Description

Josafat, quÆa sa parucion en 1906 levèt un brave rambalh, conta las amors estrambordadas de Josafat, lo reguèrgue campanièr de la catedrala de Girona, innocent e brutal, e Joseta, la filha abramada de plasers que nÆa son confle, de se languir al bordèl, e cèrca dins los braces de Josafat dÆi sadolar sa fam inabenabla. LÆistòria, dÆun requist e sorne erotisme quÆa son moment trebolèt pro de legeires, se passa dins lo recinte sacrat de la catedrala e marida dÆelements folclorics e mai romantics ùcoma Notre-Dame de Paris, lo roman de Victor Hugoù ambe lo decadentisme malautís e crudèl que trauquèt la sensibilitat europenca sus la tombada del sègle. Escrich dins una lenga druda e galharda quÆòm etiquetèt de «lenga mascla», Josafat es vengut un classic, a costat dÆEls sots feréstecs (1901), de Raimon Casellas; Drames rurals (1902) e Solitud (1905), de «Víctor Català», o Marines i boscatges (1904), de Joaquim Ruyra.